سبحان الله وبحمده سبحان الله العظيم

بالفعل مأساه وانا منزل موضوع سابق عن المرسيدس واسعارها الخرافية بالموقع اغلبهم يكذبون يعني بالله اللي يحد ب ٣٠ ومسيوم ٢٨ ترا الفين مابتغنيه ولكن الكذب ومايفعل و يقول ولا تبخسو الناس اشياءهم بالسوق معروفة الاسعار ماعاد تشوف احد غشيم 

كل واحد وذمـته بعضهم عنده الذمـه مفتوحه يحب يكذب

ظهر عندنا جيل 
ما يعرف اش معنى ( السوم )

ما يدري انها كلمة معروف بين الرجال 
انك تقول السعر اللي اعطوك في السلعة
بالصدق والامانة ولو كان بخس


اذا كان بخس 
قل مسيوم ب كذا. وماهو حقها وبعيد 

او مسيوم ب كذا ولكن باقي عليها

او مسيوم ب كذا والبيع قريب 


نعم اسعار الموقع مبالغ فيها بعنف ..
......
فيه طريقة تقدر تشتريها بسعر زين
اولما ينزل الاعلان 
كلم الرجال واتفق معه بسرعه وبيرضى باي قيمة واقنعة 
انك مستخدم 
وقله احجزها باجيك افحصها 

.

لكن الاعلان اللي مر عليه اسابيع 
تجيه سومات حلوه 
ويطمع اكثر 
ثم يروحون اللي ساموا بسومات طيبة 
وهو جالس ينتظر احد يعطيه سومه زي الاولين 
وتجي انت تبغى تكاسره بيررفض 
.......

وهذي الحركةاحيانا تضبط واحيانا لا 

اما اذا هو شريطي فلا تقرب منه بيصلخكك بالسعر

الظاهر على بالهم رواد الموقع دلوخ بيشترو باي قيمة 

وفعلا لو تاخذ لفة على الاعلانات اكثرها مكتوب كمثال 
مسيوم ٩٠ والبيع قريب وهي اساسا لا انسامت ولاشي 

انا اشوف ان ادارة الموقع تضع شرط ان السومات تكون على الموقع فقط والى يقول انسامت خارج الموقع يحذف اعلانه لانهم للاسف اكثرهم غير صادقين 

السلام عليكم
زاوية أخرى, العديد من مستخدمي هذا الموقع وبشكل عام المواقع الإلكترونيه وأقصد من يبحث عن سلعه، تجده يدفع بسخاء ويزاود بكرم بحجة ان الأمر ليس جديا بعد.. حيث أنه يدفع مبلغ عالي لصاحب السلعه فيرتفع سعرها!
لأن البائع يطلب دائما المزيد.
ناهيك عن بعض التجار وهذه أستغربها أنا شخصيا بكثره حيث يقول مسيومه99خارج الموقع والحد 100!! طيب هيك انته دفعت عمولة الموقع من جيبك!
..أخيرا الصدق والأمانه، صفات سيد الخلق فطوبى لمن تحلى بهما.

انا اللي فاقع مرارتي تلقى ددسن موديل 84 غمارتين بويتها لك عليها ومكيفها يبيله ليات مدري كمبروسر والاستمارة منتهية من عام1419هجري !!!!!!!!!!! ومسيومة ب9 الاف ويطلب الزود !!!!!!!!! يحمد ربه لاجابت 5 ولا 6 ان طقتها الحمى

.
.
وتبين ان ٨٠٪ من السوامه 
مو صاملين ابدا ابدا ابدا 

يعلم الله اني اراهم بكثره 

طيب ليش ترفع السعر ولو قال تم هربت

ياعمي كل هالكلام يهون عند واحد عارض 

موتر ٢٠١٤ وممشيه ٣٠ الف وحاده ب٧٠ الف 

(الموتر سعره جديد بقراطيسه بالوكالة ٧٠ الف) 

وحجته الموتر بالحجز عند الوكالة ولازم تنتظر شهر الى شهرين

بصراحة شفت ناس لاتعرف تسوم ولا يكفيك شره
مثلاً تسوم سلعة ب 20 الف وعلى طول يجيك واحد بعدك
 ويسوم ب25 ولا 30 الف
ياخي المتعارف عليه فالحراج كل واحد يزاود بالمبلغ المتفق
عليه فالحراج مثل 20 وخمس ميه 21 وخمس ميه22 ووو
لين يرسي المزاد على واحد هذا اللي نعرفه من قديم